Funtsean abentura-istorioa da. Protagonistak, neska eta mutil bat, kezkaturik daude ikasturte berrian ikastolan hasieratik elkarrekin egon den lagun-taldea desegin eta beste gela batzuetan banatu behar delako. Badute lagun batzuk aukeratzerik eta, aukera zaila den arren, Iratik argi eta garbi du Iker nahi duela bere ondoan, izan ere beti gustatu zaio. Azken eskola-egunean maisuak ezusteko sorpresa eman die: denak elkarrekin egongo dira kanpamentu batean eta, hasiera-hasieratik hamaika abentura biziko dituztela agindu die. Azkenean, Irati eta Iker bakarrik murgilduko dira abentura zoroan eta hainbat egoera larritan hausnartzeko eta elkarri hamaika galdera egiteko parada izango dute. Errealitatea eta ametsak nahasten dituen irudimenezko abentura da, azken finean. Ea gustatzen zaizuen!

Yasuke naiz eta hamar urte ditut. Japoniako hiriburutik, Tokiotik, hurbil bizi naiz, Ogawan. Nire gurasoek baserri lanak egiten dituzte eta amak saltzen ditu etxeko produktuak, eta nik etxeko lanak egiten laguntzen dut. Daisuke da txiki-txikitatik nire lagunik hoberena. Bioi gustatzen zaigu bizikle-taz ibiltzea, baina, batez ere, bideo jolasak gustatzen zaizkigu. Hamaika gauza kontatu nahi dizut gure bizimodu, ohitura eta ipuinei buruz, eta atseginez irakur ditzazula nahi nuke. Badakit Japonia oso urrun dagoela zure herritik, baina ipuinak gustuko badituzu, ni prest naukazu kontu kontari aritzeko.Antton IrustaAntton Irusta naiz, Usansoloko ipuin kontalaria. Hango eta hemengo ipuinak kontatzen ditut gus-tura. Nire ipuinetan kontatzen ditudan gaiak lantzen saiatzen naiz haur eta gazte literatura egiten dudanean.Ipuinak kontatzea niretzat, dena da, baita literatura ere. Horregatik dut gogoko hunkitzen nauten istorioak entzuleei kontatzea, izan ere, ipuinek afektuaren dohaina eskaintzen digute.Horrela naiz zoriontsu: ipuinak kontatuz, norbera emozionatuz eta entzuleak barru-barrutik hunkituz.

Lehengo igandean etxera joatear nengoela ezagutu genuen elkar Itziarko Txitxarro izeneko dantzalekuan. Oso naturala eta aldi berean polita izan zen gure arteko hartu-emana. Egiatan ni nahikoa txolinduta nengoen eta hori zela eta ausartuagoa nekusan nire burua, bestela, ez dut uste dantzatzen geundela bururatutakoa halako batean esango nionik. Ordurako idiskotuta nengoen. -Gustora egingo nuke maitasuna zurekin. Javier Rojo, El Correo 2000ko otsailaren 16a Estreinakoa Estreinakoa Lehenengo aldiz Juan Luis Mugertzaren lehen literatur lana omen da, irakurle gazteei zuzendutako eleberri laburra. Hau da, aurki daitekeen publiko zailenetako bat. Haur literatura umekeriatzat hartuta alde batera utzi eta helduentzako aurrean aurkezten zaizkie irakurle hauei, horietan sartzeko gai izango diren ala ez jakin gabe. Horrexegatik da hain zaila irakurle hauei dagokien literaturarekin asmatzea, eta horrexagatik galtzen du garai horretan literaturak irakurle potenzial asko eta asko. Mugertzak, beraz, hamalau urtez gorako irakurleei interesgarria izan dakiekeen istorio bat kontatu nahi die, eta horretarako sexua hautatu du gai moduan. Istorioan, bada, hemezortzi urteko mutil baten lehen esperientzia sexuala kontatzen du. Istorioa, funtsean, harreman arrunt bat baino ez bada ere, idazleak jakin du gertaera hori era interesgarri batean azaltzen. Hari nagusi honen inguruan, bestelako hariak ere zabaldu dizkio irakurleari: hala nola protagonistaren dudak eta pentsamenduak, gurasoei buruzko iritziak, aitaren jokaera, amaren egoera... Amodiozko gaua amaitzean bukatzen da kontakizuna, ireki duten ate hau zabalik utzita. Horrela, irakurleari askatasuna ematen zaio bere interpretazioa egiteko.